ٹھگ

apple-love-heart-poetry-Punjabi

 ایہہ سب توں وڈا ٹھگ سجنا

نہ دل دے آکھے لگ سجنا

یا تیریاں گلاں سچیاں نیں
یا جھوٹا سارا جگ سجنا

وچ دوزخ ہر کوئی کھڑدا اے
بس اپنی اپنی آگ سجنا


یا عرشاں اتے لا ڈیرا
یا مل میری شہہ رگ سجنا


نعیم اکرم ملک

پنڈاں والے جھلے لوگ

پنڈاں والے، جھلے لوک

شہراں اندر، کلے لوک

شعراں راہیں درد سناواں

کردے بلّے بلّے لوک

اچیاں اچیاں شاناں والے

لُک گئے دھرتی تھلے لوک

اپنے فن دی، بولی لاون

آپ ای اپنے دلۤے لوگ

نعیم اکرم

نوٹ: دلؔا گالی ہے البتہ اسکے لفظی معنی بیچ میں پڑ کے سودا کروانے والے کے ہیں۔ ایک طرح سے کمیشن ایجنٹ۔ یہاں اس لفظ کو گالی کے طور پر نہیں استعمال کیا گیا۔